mera sara badan rakh ho bhi chuka maine dil ko bachaya hai tere liye

merā saarā badan raakh ho bhī chukā maiñ ne dil ko bachāyā hai tere liye

TuuTe phūTe se dīvār-o-dar haiñ sabhī phir bhī ghar ko sajāyā hai tere liye

kitnī mehnat huī ḳhuuñ pasīna huā jism miTTī huā rañg mailā huā

ḳhud to jaltā rahā dozaḳhoñ meñ magar ghar ko jannat banāyā hai tere liye

terī har baat thī talḳhiyoñ se bharī terā lahja sadā mujh ko Dastā rahā

phir bhī thak haar kar apnā dāman maar kar maiñ ne ḳhud ko manāyā hai tere liye

mere har saañs meñ hukm shāmil tirā maiñ hilā bhī to marzī se terī hilā

tū ne jo kuchh bhī chāhā vahī ho gayā maiñ ne ḳhud ko gañvāyā hai tere liye

log kahte haiñ bechāre 'fārūq' kī maut ho bhī chukī zindagī ke liye

apnī hastī miTā.ī hai tere liye us ko jiinā bhī aayā hai tere liye

mera sara badan rakh ho bhi chuka main ne dil ko bachaya hai tere liye

TuTe phuTe se diwar-o-dar hain sabhi phir bhi ghar ko sajaya hai tere liye

kitni mehnat hui KHun pasina hua jism miTTi hua rang maila hua

KHud to jalta raha dozaKHon mein magar ghar ko jannat banaya hai tere liye

teri har baat thi talKHiyon se bhari tera lahja sada mujh ko Dasta raha

phir bhi thak haar kar apna daman mar kar main ne KHud ko manaya hai tere liye

mere har sans mein hukm shamil tera main hila bhi to marzi se teri hila

tu ne jo kuchh bhi chaha wahi ho gaya main ne KHud ko ganwaya hai tere liye

log kahte hain bechaare 'faruq' ki maut ho bhi chuki zindagi ke liye

apni hasti miTai hai tere liye us ko jina bhi aaya hai tere liye