mere aangan ka naya rang nazar aata hai

mere āñgan kā nayā rang nazar aatā hai

shaam hotī hai to ik chāñd utar aatā hai

kyā huā hai mujhe kyoñ ghar pe mire kal shab se

jo bhī aatā hai vo bā-dīda-e-tar aatā hai

jo bhī kahnā ho vo kah detī haiñ lafzoñ ke baġhair

baat karne kā un āñkhoñ ko hunar aatā hai

us ke saa.e meñ ka.ī ahd guzāre ga.e haiñ

rāste meñ jo mire būḌhā shajar aatā hai

aisā manzar kahāñ ruktā hai kisī ke roke

bāñdh kar paaoñ meñ apne jo bhañvar aatā hai

ḳhatm jis par ho guzarte hue lamhoñ kā safar

ik nayā saal usī lamhe se ubhar aatā hai

ek muddat se bilā-nāġha sar-e-shām ai 'nūr'

qāfila shahr-e-navā kā mire ghar aatā hai

mere aangan ka naya rang nazar aata hai

sham hoti hai to ek chand utar aata hai

kya hua hai mujhe kyon ghar pe mere kal shab se

jo bhi aata hai wo ba-dida-e-tar aata hai

jo bhi kahna ho wo kah deti hain lafzon ke baghair

baat karne ka un aankhon ko hunar aata hai

us ke sae mein kai ahd guzare gae hain

raste mein jo mere buDha shajar aata hai

aisa manzar kahan rukta hai kisi ke roke

bandh kar paon mein apne jo bhanwar aata hai

KHatm jis par ho guzarte hue lamhon ka safar

ek naya sal usi lamhe se ubhar aata hai

ek muddat se bila-nagha sar-e-sham ai 'nur'

qafila shahr-e-nawa ka mere ghar aata hai