mere andar jo ek faqiri hai
mere andar jo ik faqīrī hai
ye hī sab se baḌī amīrī hai
kuchh nahīñ hai magar sabhī kuchh hai
dekh kaisī jahān-gīrī hai
pañkhuḌī ik gulāb ke jaisī
mere sheroñ meñ aisī miirī hai
sher kahtā hai bech detā hai
tujhmeñ kaisī ye lā-zamīrī hai
tujh se rishta kabhī nahīñ suljhā
us kī fitrat hī kāshmīrī hai
ruuh aur jism surḳh haiñ ḳhuuñ se
phir bhī ye pairahan harīrī hai
mere andar jo ek faqiri hai
ye hi sab se baDi amiri hai
kuchh nahin hai magar sabhi kuchh hai
dekh kaisi jahan-giri hai
pankhuDi ek gulab ke jaisi
mere sheron mein aisi meri hai
sher kahta hai bech deta hai
tujhmen kaisi ye la-zamiri hai
tujh se rishta kabhi nahin suljha
us ki fitrat hi kashmiri hai
ruh aur jism surKH hain KHun se
phir bhi ye pairahan hariri hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
