میرے بچنے کی آخری صورت
میرے بچنے کی آخری صورت
سامنے آئے آپ کی صورت
روپ مصرع نما بھی ہوتے ہیں
لوگ ہوتے ہیں شاعری صورت
تو تھا ساحل پہ لوگ دیکھتے تھے
وہ سمندر کی ماتمی صورت
تیری صورت ہی پہلی صورت ہے
تیری صورت ہی دوسری صورت
یہ تو فطرت سے اختلاف ہوا
کوئی شاعر ہو مولوی صورت
تیری نسبت سے آشکار ہوا
موت ہوتی ہے زندگی صورت
کتنے سینوں میں زہر بویا گیا
کتنی آنکھوں کو کھا گئی صورت
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
