mere chehre ki siyahi ka pata de koi

mere chehre kī siyāhī kā patā de koī

aa.ine mere muqābil se haTā de koī

dasht-dar-dasht yahāñ phail rahe haiñ saa.e

shahr-e-gul-rez se phir mujh ko sadā de koī

ālam-e-yās meñ ḳhvāboñ meñ utarnā terā

jaise bīmār ko jiine kī du'ā de koī

marg-e-amboh meñ ab jashn kā pahlū bhī nahīñ

āsmāñ āḳhirī manzar to dikhā de koī

mere chehre ki siyahi ka pata de koi

aaine mere muqabil se haTa de koi

dasht-dar-dasht yahan phail rahe hain sae

shahr-e-gul-rez se phir mujh ko sada de koi

aalam-e-yas mein KHwabon mein utarna tera

jaise bimar ko jine ki du'a de koi

marg-e-amboh mein ab jashn ka pahlu bhi nahin

aasman aaKHiri manzar to dikha de koi