mere dil-e-wahshi ki bas itni haqiqat hai

mere dil-e-vahshī kī bas itnī haqīqat hai

ik dard kā aalam hai duniyā-e-mohabbat hai

hamdard kisī kā ab duniyā meñ nahīñ koī

badlā huā har ik kā andāz-e-tabī.at hai

rūdād-e-shahīdāñ hai īsār kā ā.īna

īsār kā ā.īna shahkār-e-haqīqat hai

har ġhuncha-e-naurasta kahtā hai ye gulchīñ se

phūloñ pe sitam Dhānā anjām se ġhaflat hai

gulzār-e-vatan kā kyoñ har dam na ḳhayāl aa.e

dil ke liye kāñTā sā ye vādī-e-ġhurbat hai

mujh par jo guzartī hai auroñ kī balā jaane

sahnā hai mujhe ḳhud hī ye merī musībat hai

aakar mirī mizhgāñ par jab ashk chamakte haiñ

vo kahte haiñ motī haiñ allāh kī qudrat hai

naġhmāt-e-'sa.ādat' meñ ik gul ke ta.alluq se

kaliyoñ kī nazākat hai shabnam kī latāfat hai

mere dil-e-wahshi ki bas itni haqiqat hai

ek dard ka aalam hai duniya-e-mohabbat hai

hamdard kisi ka ab duniya mein nahin koi

badla hua har ek ka andaz-e-tabiat hai

rudad-e-shahidan hai isar ka aaina

isar ka aaina shahkar-e-haqiqat hai

har ghuncha-e-naurasta kahta hai ye gulchin se

phulon pe sitam Dhana anjam se ghaflat hai

gulzar-e-watan ka kyon har dam na KHayal aae

dil ke liye kanTa sa ye wadi-e-ghurbat hai

mujh par jo guzarti hai auron ki bala jaane

sahna hai mujhe KHud hi ye meri musibat hai

aakar meri mizhgan par jab ashk chamakte hain

wo kahte hain moti hain allah ki qudrat hai

naghmat-e-'saadat' mein ek gul ke talluq se

kaliyon ki nazakat hai shabnam ki latafat hai