میرے دل کا جو نگہباں نہ ہوا تھا سو ہوا
میرے دل کا جو نگہباں نہ ہوا تھا سو ہوا
جس کا مجھ پر کوئی احساں نہ ہوا تھا سو ہوا
اس نے بھی دیکھ لیا میری وفاؤں کا اثر
جو جفاؤں پہ پشیماں نہ ہوا تھا سو ہوا
اک وہی راز جسے دل میں چھپایا برسوں
شدت غم سے نمایاں نہ ہوا تھا سو ہوا
اس توجہ سے مجھے دیکھ رہا تھا کوئی
میں تو اتنا کبھی حیراں نہ ہوا تھا سو ہوا
حسرتیں ختم ہوئیں کوئی تمنا نہ رہی
زندگی سے میں گریزاں نہ ہوا تھا سو ہوا
آ گیا وقت یہ کیسا کہ الٰہی توبہ
جو شکار غم دوراں نہ ہوا تھا سو ہوا
صحن گلشن میں ہوئی شعلہ فشانی ہر سو
یوں کبھی جشن بہاراں نہ ہوا تھا سو ہوا
دفعتاً میرے شبستاں میں وہ آئے احمدؔ
درد دل کا مرے درماں نہ ہوا تھا سو ہوا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
