mere dil ka jo nigahban na hua tha so hua

mere dil kā jo nigahbāñ na huā thā so huā

jis kā mujh par koī ehsāñ na huā thā so huā

us ne bhī dekh liyā merī vafāoñ kā asar

jo jafāoñ pe pashemāñ na huā thā so huā

ik vahī raaz jise dil meñ chhupāyā barsoñ

shiddat-e-ġham se numāyāñ na huā thā so huā

is tavajjoh se mujhe dekh rahā thā koī

maiñ to itnā kabhī hairāñ na huā thā so huā

hasrateñ ḳhatm huiiñ koī tamanna na rahī

zindagī se maiñ gurezāñ na huā thā so huā

aa gayā vaqt ye kaisā ki ilāhī tauba

jo shikār-e-ġham-e-daurāñ na huā thā so huā

sehn-e-gulshan meñ huī sho.ala-fishānī har-sū

yuuñ kabhī jashn-e-bahārāñ na huā thā so huā

daf.atan mere shabistāñ meñ vo aa.e 'ahmad'

dard-e-dil kā mire darmāñ na huā thā so huā

mere dil ka jo nigahban na hua tha so hua

jis ka mujh par koi ehsan na hua tha so hua

us ne bhi dekh liya meri wafaon ka asar

jo jafaon pe pasheman na hua tha so hua

ek wahi raaz jise dil mein chhupaya barson

shiddat-e-gham se numayan na hua tha so hua

is tawajjoh se mujhe dekh raha tha koi

main to itna kabhi hairan na hua tha so hua

hasraten KHatm huin koi tamanna na rahi

zindagi se main gurezan na hua tha so hua

aa gaya waqt ye kaisa ki ilahi tauba

jo shikar-e-gham-e-dauran na hua tha so hua

sehn-e-gulshan mein hui shoala-fishani har-su

yun kabhi jashn-e-bahaaran na hua tha so hua

dafatan mere shabistan mein wo aae 'ahmad'

dard-e-dil ka mere darman na hua tha so hua