میرے دل میں بھی خواہشات نہیں
میرے دل میں بھی خواہشات نہیں
یار اگر تو ہی میرے ساتھ نہیں
شعر کہنے کا شوق سب کو ہے
شاعری سب کے بس کی بات نہیں
مجھ کو لوٹا دے بس مری دنیا
ہاں مرا حق ہے یہ زکوٰۃ نہیں
پار کرنے سے ڈر میاں کیسا
پیار کی راہ پل صراط نہیں
سچ بتانے پہ مارے جائیں گے
اس لئے کوئی سچ کے ساتھ نہیں
عشق میں نسبتیں نہیں چلتیں
حسن دیکھوں گا ذات پات نہیں
ہجر سے اب نکل ذرا افنانؔ
بند کمرے میں کائنات نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
