mere dil mein bhi KHwahishat nahin

mere dil meñ bhī ḳhvāhishāt nahīñ

yaar agar tū hī mere saath nahīñ

she'r kahne kā shauq sab ko hai

shā'irī sab ke bas kī baat nahīñ

mujh ko lauTā de bas mirī duniyā

haañ mirā haq hai ye zakāt nahīñ

paar karne se Dar miyāñ kaisā

pyaar kī raah pul-sirāt nahīñ

sach batāne pe maare jā.eñge

is liye koī sach ke saath nahīñ

'ishq meñ nisbateñ nahīñ chaltīñ

husn dekhūñgā zāt-pāt nahīñ

hijr se ab nikal zarā 'afnān'

band kamre meñ kā.enāt nahīñ

mere dil mein bhi KHwahishat nahin

yar agar tu hi mere sath nahin

she'r kahne ka shauq sab ko hai

sha'iri sab ke bas ki baat nahin

mujh ko lauTa de bas meri duniya

han mera haq hai ye zakat nahin

par karne se Dar miyan kaisa

pyar ki rah pul-siraat nahin

sach batane pe mare jaenge

is liye koi sach ke sath nahin

'ishq mein nisbaten nahin chaltin

husn dekhunga zat-pat nahin

hijr se ab nikal zara 'afnan'

band kamre mein kaenat nahin