mere gale pe jame hath mere apne hain

mere gale pe jame haath mere apne haiñ

jo laḌ rahe haiñ mire saath mere apne haiñ

shikast khā ke bhī maiñ fat.h ke julūs meñ huuñ

ki de ga.e jo mujhe maat mere apne haiñ

merī tarah se ye kachche gharoñ meñ rahte haiñ

jo gher laa.e haiñ barsāt mere apne haiñ

agar nahīñ haiñ ye shams-o-qamar mire bas meñ

yahī bahut hai ye din-rāt mere apne haiñ

koī sune na sune koī daad de ki na de

yahī bahut hai ḳhayālāt mere apne haiñ

kisī ke dil meñ basā huuñ kisī kī āñkhoñ meñ

ye TūTe-phūTe kamālāt mere apne haiñ

mere gale pe jame hath mere apne hain

jo laD rahe hain mere sath mere apne hain

shikast kha ke bhi main fath ke julus mein hun

ki de gae jo mujhe mat mere apne hain

meri tarah se ye kachche gharon mein rahte hain

jo gher lae hain barsat mere apne hain

agar nahin hain ye shams-o-qamar mere bas mein

yahi bahut hai ye din-raat mere apne hain

koi sune na sune koi dad de ki na de

yahi bahut hai KHayalat mere apne hain

kisi ke dil mein basa hun kisi ki aankhon mein

ye TuTe-phuTe kamalat mere apne hain