میرے غم کا اثر ذرا نہ ہوا
میرے غم کا اثر ذرا نہ ہوا
یہ تو پتھر ہوا خدا نہ ہوا
دیکھ لو آج آ کے بسمل کو
کون جانے یہ کل ہوا نہ ہوا
ترک الفت کا ایک ہی غم ہے
یہ ارادہ بھی دیر پا نہ ہوا
ترچھی چتون اتر گئی دل میں
تیر کج تھا مگر خطا نہ ہوا
جذبۂ شوق ہو گیا دشمن
مجھ سے اظہار مدعا نہ ہوا
وقف گردش ہوں صورت پرکار
دور مرکز کا فاصلہ نہ ہوا
لوح ہستی سے کیوں مٹاتے ہو
میں کبھی حرف مدعا نہ ہوا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
