mere gul ka jo koi lutf-o-karam dekha hai

mere gul kā jo koī lutf-o-karam dekhā hai

husn aur ḳhalq ke ta.iiñ us ne baham dekhā hai

tere abrū ke muqābil to hilāl-āsā hai

har kamāñ-abrū kī qāmat ko bhī ḳham dekhā hai

chashm-e-altāf se us mast nayan kī hai kamāñ

ki kisī vaqt mire dīda-e-nam dekhā hai

kahte haiñ dār-e-mehan hai ye jahān-e-fānī

kaun vo shaḳhs hai jin ne ki na ġham dekhā hai

ashk aur aah se hai 'ishq' kā raushan e.ajāz

aab o ātish ko kisū ne bhī baham dekhā hai

mere gul ka jo koi lutf-o-karam dekha hai

husn aur KHalq ke tain us ne baham dekha hai

tere abru ke muqabil to hilal-asa hai

har kaman-abru ki qamat ko bhi KHam dekha hai

chashm-e-altaf se us mast nayan ki hai kaman

ki kisi waqt mere dida-e-nam dekha hai

kahte hain dar-e-mehan hai ye jahan-e-fani

kaun wo shaKHs hai jin ne ki na gham dekha hai

ashk aur aah se hai 'ishq' ka raushan eajaz

aab o aatish ko kisu ne bhi baham dekha hai