mere hi aas-pas ho tum bhi

mere hī ās-pās ho tum bhī

in dinoñ kuchh udaas ho tum bhī

bārhā baat jiine marne kī

ek bikhrī sī aas ho tum bhī

sail-e-naġhma pe itnī hairat kyuuñ

is namī se shanās ho tum bhī

maiñ bhī Duubā huuñ āsmānoñ meñ

ḳhvāb meñ mahv-e-yās ho tum bhī

maiñ huuñ TuuTā sā paimāna

ek ḳhālī gilās ho tum bhī

gar maiñ dukh se sajā huā huuñ to

rañj se ḳhush-libās ho tum bhī

apnī fitrat kā maiñ bhī maarā huuñ

apnī aadat ke daas ho tum bhī

merī miTTī bhī ret kī sī hai

aur sahrā kī pyaas ho tum bhī

mere hi aas-pas ho tum bhi

in dinon kuchh udas ho tum bhi

barha baat jine marne ki

ek bikhri si aas ho tum bhi

sail-e-naghma pe itni hairat kyun

is nami se shanas ho tum bhi

main bhi Duba hun aasmanon mein

KHwab mein mahw-e-yas ho tum bhi

main hun TuTa sa paimana

ek KHali gilas ho tum bhi

gar main dukh se saja hua hun to

ranj se KHush-libas ho tum bhi

apni fitrat ka main bhi mara hun

apni aadat ke das ho tum bhi

meri miTTi bhi ret ki si hai

aur sahra ki pyas ho tum bhi