mere hi dil ke satane ko gham aaya sidha

mere hī dil ke satāne ko ġham aayā sīdhā

rāsta dekh liyā hai mire ghar kā sīdhā

ek sūrat kabhī tāle.a kī na dekhī ham ne

ḳhat-e-taqdīr likhā hai ajab ulTā-sīdhā

sīdhī sīdhī hameñ har-vaqt sunā baiThte ho

naam sun paayā hai sāhab ne hamārā sīdhā

TeḌhī bāñke hue us shoḳh ke aage sīdhe

kyā hī kaj-fahm hai vo jo use samjhā sīdhā

ishq-e-pechāñ ko kiyā ham ne jo āḌā-tirchhā

sarv ko yaar ne gulshan meñ banāyā sīdhā

ḳhat ke aane pe bhī TeḌhā hī rahā vo ham se

ḳhizr ne bhī hameñ rasta na batāyā sīdhā

'mehr' vallāh maiñ qātil huuñ tirī bātoñ kā

ḳhuub andāz-e-suḳhan hai tirā sīdhā sīdhā

mere hi dil ke satane ko gham aaya sidha

rasta dekh liya hai mere ghar ka sidha

ek surat kabhi talea ki na dekhi hum ne

KHat-e-taqdir likha hai ajab ulTa-sidha

sidhi sidhi hamein har-waqt suna baiThte ho

nam sun paya hai sahab ne hamara sidha

TeDhi banke hue us shoKH ke aage sidhe

kya hi kaj-fahm hai wo jo use samjha sidha

ishq-e-pechan ko kiya hum ne jo aaDa-tirchha

sarw ko yar ne gulshan mein banaya sidha

KHat ke aane pe bhi TeDha hi raha wo hum se

KHizr ne bhi hamein rasta na bataya sidha

'mehr' wallah main qatil hun teri baaton ka

KHub andaz-e-suKHan hai tera sidha sidha