mere honTon ka abhi zahr tere jism mein hai

mere hoñToñ kā abhī zahr tire jism meñ hai

tū agar bichhḌā to kyā chain se rah pā.egā

ai suḳhan-fahm mire she'r se kyā lagtā hai

kyā mire baa'd mujhe yaad rakhā jā.egā

maiñ to is shauq meñ hotā huuñ ki kuchh boleñ log

bolnā apnā kabhī rang to dikhlā.egā

tū jo ab saath nahīñ hai to yahī lagtā hai

ab ḳhudā bhī to mire kaam nahīñ aa.egā

jo bhī kahnā hai yahāñ jhuuT ke andāz meñ kah

sach agar tū ne kabhī bolā to pachhtā.egā

mere honTon ka abhi zahr tere jism mein hai

tu agar bichhDa to kya chain se rah paega

ai suKHan-fahm mere she'r se kya lagta hai

kya mere ba'd mujhe yaad rakha jaega

main to is shauq mein hota hun ki kuchh bolen log

bolna apna kabhi rang to dikhlaega

tu jo ab sath nahin hai to yahi lagta hai

ab KHuda bhi to mere kaam nahin aaega

jo bhi kahna hai yahan jhuT ke andaz mein kah

sach agar tu ne kabhi bola to pachhtaega