mere honTon ko chhua chahti hai

mere hoñToñ ko chhuā chāhtī hai

ḳhāmushī! tū bhī ye kyā chāhtī hai

mere kamre meñ nahīñ hai jo kahīñ

ab vo khiḌkī bhī khulā chāhtī hai

zindagī! gar na udheḌegī mujhe

kis liye merā sirā chāhtī hai

saare hañgāme haiñ parde par ab

film bhī ḳhatm huā chāhtī hai

kab se baiThī hai udāsī pe merī

yaad kī titlī uḌā chāhtī hai

nuur miTTī meñ hī hogā un kī

jin charāġhoñ ko havā chāhtī hai

mere andar hai umas is darja

mujh meñ bārish sī huā chāhtī hai

bhor aa.ī hai eraser kī tarah

shab kī tahrīr miTā chāhtī hai

āsmāñ meñ haiñ sarāboñ kī sī

jin ghaTāoñ ko havā chāhtī hai

chāñd kā phuul hai khilne ko phir

shaam ab shab ko chhuā chāhtī hai

phir na lauTegī mirī āñkhoñ meñ

niiñd rangoñ sī uḌā chāhtī hai

mere honTon ko chhua chahti hai

KHamushi! tu bhi ye kya chahti hai

mere kamre mein nahin hai jo kahin

ab wo khiDki bhi khula chahti hai

zindagi! gar na udheDegi mujhe

kis liye mera sira chahti hai

sare hangame hain parde par ab

film bhi KHatm hua chahti hai

kab se baiThi hai udasi pe meri

yaad ki titli uDa chahti hai

nur miTTi mein hi hoga un ki

jin charaghon ko hawa chahti hai

mere andar hai umas is darja

mujh mein barish si hua chahti hai

bhor aai hai eraser ki tarah

shab ki tahrir miTa chahti hai

aasman mein hain sarabon ki si

jin ghaTaon ko hawa chahti hai

chand ka phul hai khilne ko phir

sham ab shab ko chhua chahti hai

phir na lauTegi meri aankhon mein

nind rangon si uDa chahti hai