mere kahne se to dil un par mera aaya na tha

mere kahne se to dil un par mirā aayā na thā

aa.ine ko maiñ ne ḳhud patthar se Takrāyā na thā

jo huā jo kuchh huā merī ḳhatā merā qusūr

toḌ kar ahd-e-vafā kyā vo bhī pachhtāyā na thā

maiñ ne dekhī hai amīr-e-shahr kī vo muflisī

daulat-e-duniyā thī lekin ġham kā sarmāya na thā

ham ne sochā ab farāz-e-dār se dekheñ use

zindagānī kā koī manzar hameñ bhāyā na thā

tujh ko hī maqsūd thī apne liye kuchh bandagī

varna aadam ne tirī jannat ko Thukrāyā na thā

mere kahne se to dil un par mera aaya na tha

aaine ko main ne KHud patthar se Takraya na tha

jo hua jo kuchh hua meri KHata mera qusur

toD kar ahd-e-wafa kya wo bhi pachhtaya na tha

main ne dekhi hai amir-e-shahr ki wo muflisi

daulat-e-duniya thi lekin gham ka sarmaya na tha

hum ne socha ab faraaz-e-dar se dekhen use

zindagani ka koi manzar hamein bhaya na tha

tujh ko hi maqsud thi apne liye kuchh bandagi

warna aadam ne teri jannat ko Thukraya na tha