mere lab par kabhi tu ban ke dua bhi aai

mere lab par kabhī tū ban ke duā bhī aa.ī

tujhe ai aah mirī baat banā bhī aa.ī

un se kuchh ye shafaq-e-shām lagā bhī aa.ī

ki shab-e-va.ada jo aa.ī to hinā bhī aa.ī

itne din aa.e hue mujh ko qafas meñ guzre

jhāñkne ko kabhī gulshan se havā bhī aa.ī

tū hamesha rahī qātil ke kamar meñ ai teġh

tere sadqe tujhe qātil kī adā bhī aa.ī

dard-e-furqat kī aziyyat kā na pūchho kuchh haal

aaj ghabrā ke ka.ī baar qazā bhī aa.ī

bhūltā hī nahīñ kahnā ye kisī kāfir kā

tujhe bhūle se kabhī yād-e-ḳhudā bhī aa.ī

uTh rahī thiiñ usī din ke liye nīchī nazreñ

chuTkiyāñ qabr meñ lene ko hayā bhī aa.ī

hashr ke din bhī rahī baat vahī aañkh vahī

jhūTe va.adoñ se tujhe sharm zarā bhī aa.ī

sham.a ke vāste thī jumbish-e-dāman kaafī

un ke dāman se lagī bād-e-sabā bhī aa.ī

aa gayā shukr-e-zabāñ par jo kiyā ḳhum ḳhālī

peT apnā jo bharā yād-e-ḳhudā bhī aa.ī

aa.e maiḳhāne meñ jab masjid-e-jāme se 'riyāz'

saath hī aap ke qible se ghaTā bhī aa.ī

mere lab par kabhi tu ban ke dua bhi aai

tujhe ai aah meri baat bana bhi aai

un se kuchh ye shafaq-e-sham laga bhi aai

ki shab-e-wada jo aai to hina bhi aai

itne din aae hue mujh ko qafas mein guzre

jhankne ko kabhi gulshan se hawa bhi aai

tu hamesha rahi qatil ke kamar mein ai tegh

tere sadqe tujhe qatil ki ada bhi aai

dard-e-furqat ki aziyyat ka na puchho kuchh haal

aaj ghabra ke kai bar qaza bhi aai

bhulta hi nahin kahna ye kisi kafir ka

tujhe bhule se kabhi yaad-e-KHuda bhi aai

uTh rahi thin usi din ke liye nichi nazren

chuTkiyan qabr mein lene ko haya bhi aai

hashr ke din bhi rahi baat wahi aankh wahi

jhuTe wadon se tujhe sharm zara bhi aai

shama ke waste thi jumbish-e-daman kafi

un ke daman se lagi baad-e-saba bhi aai

aa gaya shukr-e-zaban par jo kiya KHum KHali

peT apna jo bhara yaad-e-KHuda bhi aai

aae maiKHane mein jab masjid-e-jame se 'riyaz'

sath hi aap ke qible se ghaTa bhi aai