mere lafzon se chali baat mere lafzon ki

mere lafzoñ se chalī baat mire lafzoñ kī

tai huī mujh se mulāqāt mire lafzoñ kī

maiñ ne ye dil ke ḳhazāne se churā.e hue haiñ

kar nahīñ saktā koī baat mire lafzoñ kī

sher-dar-sher biThā.e ga.e masnad par sher

yuuñ sajā dī ga.ī bārāt mire lafzoñ kī

us ne tasvīr ko tasvīr kiyā aur le lī

selfī ek ek mire saath mire lafzoñ kī

nazm par nazm sunāne kī huī farmā.ish

yuuñ pazīrā.ī huī raat mire lafzoñ kī

merī tahrīr pe mazmūn likhe jaane lage

sar pe paḌne lagī barsāt mire lafzoñ kī

bhiiḌ ye sar pe nahīñ apne biThā saktī maiñ

khīñch leñ aap bhale laat mire lafzoñ kī

tohfatan tiin kitābeñ use bhejīñ maiñ ne

ho qubūl us ko ye sauġhāt mire lafzoñ kī

is siyāhī se ubhartī hai savere kī kiran

Dhalne lagtī hai jahāñ raat mire lafzoñ kī

pairahan us ne mohabbat ke ma.ānī ko diye

maalā pahnā.ī lage haath mire lafzoñ kī

maiñ ne ehsās kī bhaTTī se guzārā huā hai

tum samajhte nahīñ ho baat mire lafzoñ kī

taaj sar par hai magar paañv meñ baiThī huī huuñ

mujh se ūñchī hai 'sahar' zaat mire lafzoñ ke

mere lafzon se chali baat mere lafzon ki

tai hui mujh se mulaqat mere lafzon ki

main ne ye dil ke KHazane se churae hue hain

kar nahin sakta koi baat mere lafzon ki

sher-dar-sher biThae gae masnad par sher

yun saja di gai baraat mere lafzon ki

us ne taswir ko taswir kiya aur le li

selfi ek ek mere sath mere lafzon ki

nazm par nazm sunane ki hui farmaish

yun pazirai hui raat mere lafzon ki

meri tahrir pe mazmun likhe jaane lage

sar pe paDne lagi barsat mere lafzon ki

bhiD ye sar pe nahin apne biTha sakti main

khinch len aap bhale lat mere lafzon ki

tohfatan tin kitaben use bhejin main ne

ho qubul us ko ye saughat mere lafzon ki

is siyahi se ubharti hai sawere ki kiran

Dhalne lagti hai jahan raat mere lafzon ki

pairahan us ne mohabbat ke maani ko diye

mala pahnai lage hath mere lafzon ki

main ne ehsas ki bhaTTi se guzara hua hai

tum samajhte nahin ho baat mere lafzon ki

taj sar par hai magar panw mein baiThi hui hun

mujh se unchi hai 'sahar' zat mere lafzon ke