mere rone par kisi ki chashm giryan hae hae

mere rone par kisī kī chashm giryāñ haa.e haa.e

vo gul-e-tar vo fazā-e-shabnamistāñ haa.e haa.e

vo kisī kī yād-e-paiham shām-e-hijrāñ haa.e haa.e

har nafas vaqf-e-navā-hā-e-pareshāñ haa.e haa.e

dil pe dard-e-ishq kā ek ek ehsāñ haa.e haa.e

jaan kī sūrat meñ koī dushman-e-jāñ haa.e haa.e

sub.h-e-hijrāñ bad-tar-az-shab-hā-e-hijrāñ haa.e haa.e

zindagī ik mustaqil ḳhvāb-e-pareshāñ haa.e haa.e

dil kī rāhat ke liye un kī mohabbat ke liye

koshish-e-be-sūd phirtā hadd-e-imkāñ haa.e haa.e

merī ḳhātir aur vo majbūriyoñ kā e'tirāf

un ke nāzuk dil ko bhī ehsās-e-hijrāñ haa.e haa.e

kaifiyāt-e-sajda-e-zauq-e-mohabbat al-amāñ

ka.aba-e-dil be-niyāz-e-kufr-o-īmāñ haa.e haa.e

vo mirā kaif-e-nazar vo be-ḳhudī vo sarḳhushī

fursat-e-nazzāra-hā-e-husn-e-jānāñ haa.e haa.e

un kī mahfil meñ bhī huuñ dāman-kash-e-vahshat-ba-dil

har jagah ik ālam-e-ādāb-e-zindāñ haa.e haa.e

yaas kī maujoñ meñ har manzar kā āḳhir Dūbnā

dil se vo uThtā huā tūfān-e-hirmāñ haa.e haa.e

jo na samjheñ dard kyā hai dard kā ehsās kyā

kab tak un ke vāste 'bāsit' ġhazal-ḳhvāñ haa.e haa.e

mere rone par kisi ki chashm giryan hae hae

wo gul-e-tar wo faza-e-shabnamistan hae hae

wo kisi ki yaad-e-paiham sham-e-hijran hae hae

har nafas waqf-e-nawa-ha-e-pareshan hae hae

dil pe dard-e-ishq ka ek ek ehsan hae hae

jaan ki surat mein koi dushman-e-jaan hae hae

subh-e-hijran bad-tar-az-shab-ha-e-hijran hae hae

zindagi ek mustaqil KHwab-e-pareshan hae hae

dil ki rahat ke liye un ki mohabbat ke liye

koshish-e-be-sud phirta hadd-e-imkan hae hae

meri KHatir aur wo majburiyon ka e'tiraf

un ke nazuk dil ko bhi ehsas-e-hijran hae hae

kaifiyat-e-sajda-e-zauq-e-mohabbat al-aman

kaba-e-dil be-niyaz-e-kufr-o-iman hae hae

wo mera kaif-e-nazar wo be-KHudi wo sarKHushi

fursat-e-nazzara-ha-e-husn-e-jaanan hae hae

un ki mahfil mein bhi hun daman-kash-e-wahshat-ba-dil

har jagah ek aalam-e-adab-e-zindan hae hae

yas ki maujon mein har manzar ka aaKHir Dubna

dil se wo uThta hua tufan-e-hirman hae hae

jo na samjhen dard kya hai dard ka ehsas kya

kab tak un ke waste 'basit' ghazal-KHwan hae hae