mere sar se kya gharaz sarkar ko

mere sar se kyā ġharaz sarkār ko

dekhiye apne dar-o-dīvār ko

ye ghaTā aisī ghaTā itnī ghaTā

mai halāl aise meñ hai mai-ḳhvār ko

dhamkiyāñ dete ho kyā talvār kī

ham lagāte haiñ gale talvār ko

apnī apnī sab dikhāte haiñ bahār

gul bhī gulshan se chale bāzār ko

taaq se miinā utaar aa.ī bahār

taaq par rakh shaiḳh istiġhfār ko

DhūñDhtā phirtā hai kū-e-ġhair meñ

dil 'mubārak' ko 'mubārak' yaar ko

mere sar se kya gharaz sarkar ko

dekhiye apne dar-o-diwar ko

ye ghaTa aisi ghaTa itni ghaTa

mai halal aise mein hai mai-KHwar ko

dhamkiyan dete ho kya talwar ki

hum lagate hain gale talwar ko

apni apni sab dikhate hain bahaar

gul bhi gulshan se chale bazar ko

taq se mina utar aai bahaar

taq par rakh shaiKH istighfar ko

DhunDhta phirta hai ku-e-ghair mein

dil 'mubarak' ko 'mubarak' yar ko