mere wujud ka koi inam bhi nahin

mere vujūd kā koī in'ām bhī nahīñ

yā'nī tire laboñ pe mirā naam bhī nahīñ

zanjīr-e-husn meñ hameñ bāñdhā gayā hai kyoñ

ham par to tere 'ishq kā ilzām bhī nahīñ

takte haiñ farsh-e-nutq se 'arsh-e-ḳhayāl ko

muddat huī ki bārish-e-ilhām bhī nahīñ

mere wujud ka koi in'am bhi nahin

ya'ni tere labon pe mera nam bhi nahin

zanjir-e-husn mein hamein bandha gaya hai kyon

hum par to tere 'ishq ka ilzam bhi nahin

takte hain farsh-e-nutq se 'arsh-e-KHayal ko

muddat hui ki barish-e-ilham bhi nahin