meri aankhon mein dhanak-rang sajaane aae

merī āñkhoñ meñ dhanak-rang sajāne aa.e

raat aa.ī to tire ḳhvāb suhāne aa.e

ham to samjhe the tujhe bhuul ga.e haiñ lekin

ham pe hañsne tirī yādoñ ke ḳhazāne aa.e

rāt-bhar chāñd meñ dikhtī rahī sūrat terī

phir hameñ yaad vahī guzre zamāna aa.e

oḌh kar sard siyah raat meñ ḳhushbū terī

kal sitāre koī paiġhām sunāne aa.e

thaam kar haath mirā kāñptī rut meñ phir se

tere ehsās koī aag lagāne aa.e

tū mirā ho na sakegā kabhī is duniyā meñ

kyoñ mire dil ko tire ḳhvāb lubhāne aa.e

meri aankhon mein dhanak-rang sajaane aae

raat aai to tere KHwab suhane aae

hum to samjhe the tujhe bhul gae hain lekin

hum pe hansne teri yaadon ke KHazane aae

raat-bhar chand mein dikhti rahi surat teri

phir hamein yaad wahi guzre zamana aae

oDh kar sard siyah raat mein KHushbu teri

kal sitare koi paigham sunane aae

tham kar hath mera kanpti rut mein phir se

tere ehsas koi aag lagane aae

tu mera ho na sakega kabhi is duniya mein

kyon mere dil ko tere KHwab lubhane aae