meri aankhon se nahin lagta ki main kis ja se hun

merī āñkhoñ se nahīñ lagtā ki maiñ kis jā se huuñ

dīda-e-hairān vaale maiñ shab-e-yaldā se huuñ

jo bhī lagtā huuñ kisī ko Thiik lagtā huuñ miyāñ

maiñ kisī bhī ruup meñ huuñ yaar kī manshā se huuñ

is ta.alluq ne bharam rakhā huā hai dostā

maiñ to us ke qurb kī poshāk kī show sha se huuñ

maiñ tujhe kaise ye samjhā.ūñ zarā sī der meñ

ek to mushkil baḌā huuñ aur phir fardā se huuñ

ek bosa aur le merī jabīñ kā ishq meñ

maiñ zamīn-e-dil-barāñ ke āḳhirī raajā se huuñ

meri aankhon se nahin lagta ki main kis ja se hun

dida-e-hairan wale main shab-e-yalda se hun

jo bhi lagta hun kisi ko Thik lagta hun miyan

main kisi bhi rup mein hun yar ki mansha se hun

is talluq ne bharam rakha hua hai dosta

main to us ke qurb ki poshak ki show sha se hun

main tujhe kaise ye samjhaun zara si der mein

ek to mushkil baDa hun aur phir farda se hun

ek bosa aur le meri jabin ka ishq mein

main zamin-e-dil-baran ke aaKHiri raja se hun