meri bala se sari duniya ujDe ya aabaad rahe

merī balā se saarī duniyā ujḌe yā ābād rahe

terī ḳhushbū jis meñ basī hai vo kamra ābād rahe

āshiq aur māshūq kā rishta aur ziyāda puḳhta ho

tere zulm-o-jaur salāmat dil merā ābād rahe

mere ghar kī dīvāroñ par barbādī kā qabza hai

terī galī ko jaane vaalā har rasta ābād rahe

sub.h savere ḳhvāb meñ dekhā mujh se koī ye kahtā thā

ik tū hī barbād rahe aur jag saarā ābād rahe

ilm-o-hunar kā markaz hai aur shahr hai 'jaun'-o-'nāsir' kā

jab tak chāñd sitāre chamkeñ amroha ābād rahe

meri bala se sari duniya ujDe ya aabaad rahe

teri KHushbu jis mein basi hai wo kamra aabaad rahe

aashiq aur mashuq ka rishta aur ziyaada puKHta ho

tere zulm-o-jaur salamat dil mera aabaad rahe

mere ghar ki diwaron par barbaadi ka qabza hai

teri gali ko jaane wala har rasta aabaad rahe

subh sawere KHwab mein dekha mujh se koi ye kahta tha

ek tu hi barbaad rahe aur jag sara aabaad rahe

ilm-o-hunar ka markaz hai aur shahr hai 'jaun'-o-'nasir' ka

jab tak chand sitare chamken amroha aabaad rahe