meri bezar tabiat rahe aasani mein

merī bezār tabī'at rahe āsānī meñ

is liye qaht-zada huuñ maiñ farāvānī meñ

aisī ġhaflat kī to ummīd nahīñ thī tujh se

bhar ga.e zaḳhm mire terī nigahbānī meñ

maiñ kuchh is vāste bhī uljhā huā rahtā huuñ

soch ke dā.ere khulte haiñ pareshānī meñ

ro na detā to maiñ nārāz hī rahtā us se

ḳhud ko paanī ke havāle kiyā tuġhyānī meñ

varna vo lahr guzar jaatī mire sāmne se

naav ko chhoḌ ke maiñ kuud gayā paanī meñ

rakh nahīñ paatā maiñ tanhā.ī ko phir us kī jagah

ab koī shaḳhs na aa.e mirī vīrānī meñ

meri bezar tabi'at rahe aasani mein

is liye qaht-zada hun main farawani mein

aisi ghaflat ki to ummid nahin thi tujh se

bhar gae zaKHm mere teri nigahbani mein

main kuchh is waste bhi uljha hua rahta hun

soch ke daere khulte hain pareshani mein

ro na deta to main naraaz hi rahta us se

KHud ko pani ke hawale kiya tughyani mein

warna wo lahr guzar jati mere samne se

naw ko chhoD ke main kud gaya pani mein

rakh nahin pata main tanhai ko phir us ki jagah

ab koi shaKHs na aae meri virani mein