meri chahat ki bahut lambi saza do mujhko

merī chāhat kī bahut lambī sazā do mujh ko

karb-e-tanhā.ī meñ jiine kī du'ā do mujh ko

fan tumhārā to kisī aur se mansūb huā

koī merī hī ġhazal aa ke sunā do mujh ko

haal behāl hai tārīk hai mustaqbil bhī

ban paḌe tum se to maazī mirā lā do mujh ko

āḳhirī sham' huuñ maiñ bazm-e-vafā kī logo

chāhe jalne do mujhe chāhe bujhā do mujh ko

ḳhud ko rakh ke maiñ kahīñ bhuul ga.ī huuñ shāyad

tum mirī zaat se ek baar milā do mujh ko

meri chahat ki bahut lambi saza do mujh ko

karb-e-tanhai mein jine ki du'a do mujh ko

fan tumhaara to kisi aur se mansub hua

koi meri hi ghazal aa ke suna do mujh ko

haal behaal hai tarik hai mustaqbil bhi

ban paDe tum se to mazi mera la do mujh ko

aaKHiri sham' hun main bazm-e-wafa ki logo

chahe jalne do mujhe chahe bujha do mujh ko

KHud ko rakh ke main kahin bhul gai hun shayad

tum meri zat se ek bar mila do mujh ko