meri har baat pe be-baat KHafa hote ho
merī har baat pe be-bāt ḳhafā hote ho
jaane kyā baat hai din-rāt ḳhafā hote ho
chup raheñ vaqt-e-mulāqāt ḳhafā hote ho
pūchh leñ bhuul se hālāt ḳhafā hote ho
baat ġhairoñ se to hañs hañs ke kiyā karte ho
ham se hote hī mulāqāt ḳhafā hote ho
duur hote ho to nārāz rahā karte ho
paas rahte ho to din raat ḳhafā hote ho
jāntā huuñ ki tumheñ pyaar nahīñ hai mujh se
kyā ba-majbūrī-e-hālāt ḳhafā hote ho
meri har baat pe be-baat KHafa hote ho
jaane kya baat hai din-raat KHafa hote ho
chup rahen waqt-e-mulaqat KHafa hote ho
puchh len bhul se haalat KHafa hote ho
baat ghairon se to hans hans ke kiya karte ho
hum se hote hi mulaqat KHafa hote ho
dur hote ho to naraaz raha karte ho
pas rahte ho to din raat KHafa hote ho
jaanta hun ki tumhein pyar nahin hai mujh se
kya ba-majburi-e-haalat KHafa hote ho
- Book : Tarana-e-bedari (Pg. 170)
- Author : B.S.Jain Jauhar
- Publication : Navrang Kitab Ghar 259,A, Pocket-1 Mayur Vihar Phase-1, Delhi-110091 (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
