meri is diwangi ki apni ek raftar hai

merī is dīvāngī kī apnī ik raftār hai

ishq meñ har aadmī kī apnī ik raftār hai

koī āshiq koī mai-kash koī koī muflis hai yahāñ

har kisī kī ḳhud-kushī kī apnī ik raftār hai

aap aage ham haiñ pīchhe par nahīñ ham ko gila

har kisī kī zindagī kī apnī ik raftār hai

kaun DhūñDhe dost phir se kaun phir se khaa.e zaḳhm

har kisī kī dostī kī apnī ik raftār hai

tez qadmoñ se baḌhe jaate haiñ ham sū-e-sarāb

is musalsal tishnagī kī apnī ik raftār hai

meri is diwangi ki apni ek raftar hai

ishq mein har aadmi ki apni ek raftar hai

koi aashiq koi mai-kash koi koi muflis hai yahan

har kisi ki KHud-kushi ki apni ek raftar hai

aap aage hum hain pichhe par nahin hum ko gila

har kisi ki zindagi ki apni ek raftar hai

kaun DhunDhe dost phir se kaun phir se khae zaKHm

har kisi ki dosti ki apni ek raftar hai

tez qadmon se baDhe jate hain hum su-e-sarab

is musalsal tishnagi ki apni ek raftar hai