meri KHabar hai dil ko na dil ki KHabar mujhe

merī ḳhabar hai dil ko na dil kī ḳhabar mujhe

dīvāna kar ga.ī hai kisī kī nazar mujhe

kaise qarār aa.e mire dil ko ham-nashīñ

phirtī hai terī yaad liye dar-ba-dar mujhe

manzil ke paas aa ke hue donoñ do taraf

maiñ ham-safar ko bhuul gayā ham-safar mujhe

biite dinoñ ke zaḳhmoñ kā kartā maiñ ehtisāb

mohlat jo detī gardish-e-shām-o-sahar mujhe

hotī hai ek raat charāġhoñ kī zindagī

ye daras de rahā hai charāġh-e-sahar mujhe

chāhe koī to pyaar se kar le mujhe asiir

nafrat se zer kar na sakegā magar mujhe

'mā'sūm' mere haq meñ vo anmol haiñ ratan

qudrat ne jo 'atā kiye lā'l-o-guhar mujhe

meri KHabar hai dil ko na dil ki KHabar mujhe

diwana kar gai hai kisi ki nazar mujhe

kaise qarar aae mere dil ko ham-nashin

phirti hai teri yaad liye dar-ba-dar mujhe

manzil ke pas aa ke hue donon do taraf

main ham-safar ko bhul gaya ham-safar mujhe

bite dinon ke zaKHmon ka karta main ehtisab

mohlat jo deti gardish-e-sham-o-sahar mujhe

hoti hai ek raat charaghon ki zindagi

ye daras de raha hai charagh-e-sahar mujhe

chahe koi to pyar se kar le mujhe asir

nafrat se zer kar na sakega magar mujhe

'ma'sum' mere haq mein wo anmol hain ratan

qudrat ne jo 'ata kiye la'l-o-guhar mujhe