meri manzil kahan hai kya malum

merī manzil kahāñ hai kyā ma.alūm

intihā ġham hai ibtidā ma.alūm

tum nahīñ mere ab ye raaz khulā

maiñ tumhārā huuñ ab huā ma.alūm

dil kī parvā kare koī kab tak

chāhtā kyā hai ye ḳhudā ma.alūm

duur se gul ko dekhnā kyā hai

yuuñ to hotā hai ḳhushnumā ma.alūm

paas aa.e to asl husn khule

duur kī chiiz rāz-e-nā-ma.alūm

tum ko chāhā baḌā qusūr kiyā

sahv zāhir hai aur ḳhatā ma.alūm

baat bantī nazar nahīñ aatī

un ke tevar se ho gayā ma.alūm

vaz.a-dārī se chup rahūñ varna

hai mujhe raaz aap kā ma.alūm

kaun hai jis ko ḳhū-e-e-maulā kā

rāz-e-sar-basta ho sakā ma.alūm

is qadar jald maut aa.egī

haa.e insāñ ko ye na thā ma.alūm

maiñ vafā bhī karūñ gile bhī karūñ

mujh ko hotā hai ye burā ma.alūm

kyā kaheñ kis liye rahe ma.atūb

ham ko ab tak nahīñ ḳhatā ma.alūm

chal ke 'sho.ala' se pūchhiye kyūñkar

jurm sābit huā sazā ma.alūm

meri manzil kahan hai kya malum

intiha gham hai ibtida malum

tum nahin mere ab ye raaz khula

main tumhaara hun ab hua malum

dil ki parwa kare koi kab tak

chahta kya hai ye KHuda malum

dur se gul ko dekhna kya hai

yun to hota hai KHushnuma malum

pas aae to asl husn khule

dur ki chiz raaz-e-na-malum

tum ko chaha baDa qusur kiya

sahw zahir hai aur KHata malum

baat banti nazar nahin aati

un ke tewar se ho gaya malum

waza-dari se chup rahun warna

hai mujhe raaz aap ka malum

kaun hai jis ko KHu-e-e-maula ka

raaz-e-sar-basta ho saka malum

is qadar jald maut aaegi

hae insan ko ye na tha malum

main wafa bhi karun gile bhi karun

mujh ko hota hai ye bura malum

kya kahen kis liye rahe matub

hum ko ab tak nahin KHata malum

chal ke 'shoala' se puchhiye kyunkar

jurm sabit hua saza malum