meri palkon ki dahliz par is tarah mere ashkon na tum jagmagate raho

merī palkoñ kī dahlīz par is tarah mere ashkoñ na tum jagmagāte raho

kaifiyat dil kī zāhir kisī par na ho ġham ḳhushī kī jhalak meñ chhupāte raho

Dagmagāne na do hausloñ ke qadam apnī himmat kā rakhnā hai tum ko bharam

bijliyāñ āshiyāna jalātī raheñ tum nayā āshiyāna banāte raho

kar deñ vīrāñ na ye amn kī bastiyāñ buġhz-o-nafrat kī ye sar-phirī āñdhiyāñ

in ko rakhnā hai tum ko jo auqāt meñ tum charāġh-e-mohabbat jalāte raho

kyā ḳhabar kyā haiñ aisī bhī majbūriyāñ baḌh ga.iiñ ḳhūnī rishtoñ meñ bhī dūriyāñ

dosto ye taqāzā hai hālāt kā dūriyāñ tum diloñ kī miTāte raho

sar kaTe yā rahe is kā ġham na karo zulm ke sāmne tum kahīñ na jhuko

jo ġhalat hai tum us kī mazammat karo aur āvāz-e-haq bhī uThāte raho

jī lo ḳhud ke liye kuchh nahīñ fā.eda zindagī kā hai 'ālam' yahī qā'eda

maqsad-e-zindagī hogā hāsil tumheñ dūsroñ ke sadā kaam aate raho

meri palkon ki dahliz par is tarah mere ashkon na tum jagmagate raho

kaifiyat dil ki zahir kisi par na ho gham KHushi ki jhalak mein chhupate raho

Dagmagane na do hauslon ke qadam apni himmat ka rakhna hai tum ko bharam

bijliyan aashiyana jalati rahen tum naya aashiyana banate raho

kar den viran na ye amn ki bastiyan bughz-o-nafrat ki ye sar-phiri aandhiyan

in ko rakhna hai tum ko jo auqat mein tum charagh-e-mohabbat jalate raho

kya KHabar kya hain aisi bhi majburiyan baDh gain KHuni rishton mein bhi duriyan

dosto ye taqaza hai haalat ka duriyan tum dilon ki miTate raho

sar kaTe ya rahe is ka gham na karo zulm ke samne tum kahin na jhuko

jo ghalat hai tum us ki mazammat karo aur aawaz-e-haq bhi uThate raho

ji lo KHud ke liye kuchh nahin faeda zindagi ka hai 'alam' yahi qa'eda

maqsad-e-zindagi hoga hasil tumhein dusron ke sada kaam aate raho