میری سانسو میں رو بہ رو ہو جا

میری سانسو میں رو بہ رو ہو جا

میرے جینے کی آرزو ہو جا

ہر طرف تو ہی تو دکھائی دے

ہر طرف صرف تو ہی تو ہو جا

ایک دوجے کے دونوں ہو جائیں

میں تری اور میرا تو ہو جا

خود کو دیکھوں تو تجھ کو پا جاؤں

آئنہ بن کے چار سو ہو جا

جو ابھی تک نہ ہو سکا کوئی

میرے محبوب وہ ہی تو ہو جا

جاں سے بڑھ کر عزیز ہے مجھ کو

میری الفت کی آبرو ہو جا

خوشبوؤں کی طرح مہک اٹھو

میرے گلشن کی رنگ و بو ہو جا

اس سے پہلے میں ختم ہو جاؤں

اے میری زندگی شروع ہو جا

میری خاموشیاں پگھل جائیں

وہ محبت کی گفتگو ہو جا

بارگاہ صنم میں جانا ہے

اے کرنؔ تو بھی با وضو ہو جا