meri sham-e-anjuman mein gul hai gul mein KHak hai

merī sham'-e-anjuman meñ gul hai gul meñ ḳhaak hai

daaġh siine ke chaman meñ gul hai gul meñ ḳhaak hai

dāġh-e-dil ko ḳhāksāroñ ke lagāyā tū ne muñh

ġhuncha-e-tañg-e-dahan meñ gul hai gul meñ ḳhaak hai

baa'd har din daaġh hai terī kudūrat kā mujhe

sahn-e-dāmān-e-kafan meñ gul hai gul meñ ḳhaak hai

yā mukaddar ho ke Duubā hai mirā dil ai parī

yā terī chāh-e-zaqan meñ gul hai gul meñ ḳhaak hai

gard-e-ġhurbat se bharī hai mere maskan kī bahār

dāman-e-sub.h-e-vatan meñ gul hai gul meñ ḳhaak hai

dāġhdāroñ ne kudūrat se bunā un kā palañg

sumbul-e-mauj-e-rasan meñ gul hai gul meñ ḳhaak hai

vahshī-e-gesū ne dāġhā haath uḌaa.e gard-e-ġham

shāḳh-e-āhū-e-ḳhutan meñ gul hai gul meñ ḳhaak hai

daaġh chhalle kā sarāpe meñ kudūrat-zā huā

gul-ruḳhoñ naḳhl-e-badan meñ gul hai gul meñ ḳhaak hai

ban gayā hai shīsha-e-sā.at magar fānūs-e-sham.a

'aks sho'la kā lagan meñ gul hai gul meñ ḳhaak hai

sāgaroñ kī phuul piine se huī miTTī ḳharāb

jām-e-mai bāġh-e-suḳhan meñ gul hai gul meñ ḳhaak hai

gard-e-zulmat Daalī laale par ḳhizāñ ne ai falak

chāñd ke badle gahan meñ gul hai gul meñ ḳhaak hai

bāloñ meñ chhup kar kiran phuul un kā miTTī ho gayā

afa.ī-e-gesū ke phan meñ gul hai gul meñ ḳhaak hai

daaġh de kar malte haiñ ye sham'-rū miTTī kā itr

raḳht-e-ahl-e-anjuman meñ gul hai gul meñ ḳhaak hai

unsur-e-ḳhākī huā barbād ahl-e-dāġh kā

in dinoñ vahshat ke ban meñ gul hai gul meñ ḳhaak hai

zaḳhm-e-sar par Dāltā huuñ un butoñ kī gard-e-rāh

ab kulāh-e-barhaman meñ gul hai gul meñ ḳhaak hai

phuul pī pī kar mukaddar ho rahā hai vo sabīh

dekh lo naḳhl-e-saman meñ gul hai gul meñ ḳhaak hai

hai mukaddar nūr-e-mehr us rashk-e-gul ke hijr meñ

gulshan-e-charḳh-e-kuhan meñ gul hai gul meñ ḳhaak hai

mere dil meñ daaġh hai har daaġh meñ hai gard-e-ġham

andalībo is chaman meñ gul hai gul meñ ḳhaak hai

parde meñ hai phuul sā muñh aur muñh pe gard-e-ḳhat

is sahar ke pairahan meñ gul hai gul meñ ḳhaak hai

māthe par hai dāġh-e-sajda daaġh meñ gard-e-sujūd

ḳhatt-e-qismat kī shikan meñ gul hai gul meñ ḳhaak hai

gard-e-kulfat laa.e hai fasl-e-bahārī apne saath

shāḳh-e-har-naḳhl-e-chaman meñ gul hai gul meñ ḳhaak hai

kyā kahūñ is misra-e-farmā.ishī meñ ai 'munīr'

hai hiran gul meñ hiran meñ gul hai gul meñ ḳhaak hai

meri sham'-e-anjuman mein gul hai gul mein KHak hai

dagh sine ke chaman mein gul hai gul mein KHak hai

dagh-e-dil ko KHaksaron ke lagaya tu ne munh

ghuncha-e-tang-e-dahan mein gul hai gul mein KHak hai

ba'd har din dagh hai teri kudurat ka mujhe

sahn-e-daman-e-kafan mein gul hai gul mein KHak hai

ya mukaddar ho ke Duba hai mera dil ai pari

ya teri chah-e-zaqan mein gul hai gul mein KHak hai

gard-e-ghurbat se bhari hai mere maskan ki bahaar

daman-e-subh-e-watan mein gul hai gul mein KHak hai

daghdaron ne kudurat se buna un ka palang

sumbul-e-mauj-e-rasan mein gul hai gul mein KHak hai

wahshi-e-gesu ne dagha hath uDae gard-e-gham

shaKH-e-ahu-e-KHutan mein gul hai gul mein KHak hai

dagh chhalle ka sarape mein kudurat-za hua

gul-ruKHon naKHl-e-badan mein gul hai gul mein KHak hai

ban gaya hai shisha-e-saat magar fanus-e-shama

'aks sho'la ka lagan mein gul hai gul mein KHak hai

sagaron ki phul pine se hui miTTi KHarab

jam-e-mai bagh-e-suKHan mein gul hai gul mein KHak hai

gard-e-zulmat Dali lale par KHizan ne ai falak

chand ke badle gahan mein gul hai gul mein KHak hai

baalon mein chhup kar kiran phul un ka miTTi ho gaya

afai-e-gesu ke phan mein gul hai gul mein KHak hai

dagh de kar malte hain ye sham'-ru miTTi ka itr

raKHt-e-ahl-e-anjuman mein gul hai gul mein KHak hai

unsur-e-KHaki hua barbaad ahl-e-dagh ka

in dinon wahshat ke ban mein gul hai gul mein KHak hai

zaKHm-e-sar par Dalta hun un buton ki gard-e-rah

ab kulah-e-barhaman mein gul hai gul mein KHak hai

phul pi pi kar mukaddar ho raha hai wo sabih

dekh lo naKHl-e-saman mein gul hai gul mein KHak hai

hai mukaddar nur-e-mehr us rashk-e-gul ke hijr mein

gulshan-e-charKH-e-kuhan mein gul hai gul mein KHak hai

mere dil mein dagh hai har dagh mein hai gard-e-gham

andalibo is chaman mein gul hai gul mein KHak hai

parde mein hai phul sa munh aur munh pe gard-e-KHat

is sahar ke pairahan mein gul hai gul mein KHak hai

mathe par hai dagh-e-sajda dagh mein gard-e-sujud

KHatt-e-qismat ki shikan mein gul hai gul mein KHak hai

gard-e-kulfat lae hai fasl-e-bahaari apne sath

shaKH-e-har-naKHl-e-chaman mein gul hai gul mein KHak hai

kya kahun is misra-e-farmaishi mein ai 'munir'

hai hiran gul mein hiran mein gul hai gul mein KHak hai