meri turbat par chaDhane DhunDta hai kis ke phul

merī turbat par chaḌhāne DhūñDtā hai kis ke phuul

terī āñkhoñ kā huuñ kushta rakh de do nargis ke phuul

ek din ho jā.ūñgā tere gale kā haar maiñ

sūñghne ko mat liyā kar haath meñ jis tis ke phuul

bistar-e-gul par jo tū ne karvaTeñ liiñ raat ko

itr-āgīñ ho ga.e ai gul-badan sab pis ke phuul

vasl-e-mahvash kā dilā muzhda hameñ de hai charāġh

jhaḌte haiñ har dam shab-e-hijrāñ meñ muñh se is ke phuul

kuchh ḳhabar bhī hai tujhe chal fātiha ke vāste

aaj haiñ ai shoḳh tere āshiq-e-muflis ke phuul

aur hī kuchh rañg hai siine ke dāġhoñ kā mire

is ravish ke haiñ kahāñ tere sipar par mis ke phuul

tū hai vo jo mahr-o-mah shām-o-sahar tujh par se vaar

sīm-o-zar ke pheñkte haiñ biich meñ majlis ke phuul

kyā navā-sanjī kareñ ai ham-safīrān-e-chaman

aa ga.ī fasl-e-ḳhizāñ gulshan se saare khiske phuul

haiñ mah o ḳhurshīd jo shaam o sahar tujh par se vaar

siim o zar ke pheñkte haiñ biich meñ majlis ke phuul

kis ne sikhlā.ī hai tujh ko ye ravish raftār kī

miT ga.e qālīñ ke jo tere qadam se ghis ke phuul

phuljhaḌī se kam nahīñ mizhgān-e-ashk-afshāñ tirī

motiyā ke dekhnā jhaḌte haiñ muñh se is ke phuul

rañg-e-ḳhūb-o-zisht meñ kyuuñ farq samjhe hai 'nasīr'

ḳhaar bhī tū hai usī kā haiñ banā.e jis ke phuul

meri turbat par chaDhane DhunDta hai kis ke phul

teri aankhon ka hun kushta rakh de do nargis ke phul

ek din ho jaunga tere gale ka haar main

sunghne ko mat liya kar hath mein jis tis ke phul

bistar-e-gul par jo tu ne karwaTen lin raat ko

itr-agin ho gae ai gul-badan sab pis ke phul

wasl-e-mahwash ka dila muzhda hamein de hai charagh

jhaDte hain har dam shab-e-hijran mein munh se is ke phul

kuchh KHabar bhi hai tujhe chal fatiha ke waste

aaj hain ai shoKH tere aashiq-e-muflis ke phul

aur hi kuchh rang hai sine ke daghon ka mere

is rawish ke hain kahan tere sipar par mis ke phul

tu hai wo jo mahr-o-mah sham-o-sahar tujh par se war

sim-o-zar ke phenkte hain bich mein majlis ke phul

kya nawa-sanji karen ai ham-safiran-e-chaman

aa gai fasl-e-KHizan gulshan se sare khiske phul

hain mah o KHurshid jo sham o sahar tujh par se war

sim o zar ke phenkte hain bich mein majlis ke phul

kis ne sikhlai hai tujh ko ye rawish raftar ki

miT gae qalin ke jo tere qadam se ghis ke phul

phuljhaDi se kam nahin mizhgan-e-ashk-afshan teri

motiya ke dekhna jhaDte hain munh se is ke phul

rang-e-KHub-o-zisht mein kyun farq samjhe hai 'nasir'

KHar bhi tu hai usi ka hain banae jis ke phul