meri ungli ki anguThi mein lagi patthar ki aankh

merī uñglī kī añgūThī meñ lagī patthar kī aañkh

aur darīchoñ meñ simaT aa.ī mohalle-bhar kī aañkh

maiñ to paglī thī mujhe to thā hī rangoñ kā junūñ

qasr meñ us shaḳhs ke chuñdhyā.ī thī aksar kī aañkh

is shab-e-ḳhud-āgahī meñ aa.ine bolā kiye

jaise pathrāne lagī ḳhud mere hī andar kī aañkh

ham use apne liye mahdūd samjhe the magar

ab khulā is chāñd par 'arse se thī ghar ghar kī aañkh

sādgī meñ ham 'humairā' jaane kyā kyā kah ga.e

kis qadar āhistagī se hañs paḌī patthar kī aañkh

meri ungli ki anguThi mein lagi patthar ki aankh

aur darichon mein simaT aai mohalle-bhar ki aankh

main to pagli thi mujhe to tha hi rangon ka junun

qasr mein us shaKHs ke chundhyai thi aksar ki aankh

is shab-e-KHud-agahi mein aaine bola kiye

jaise pathrane lagi KHud mere hi andar ki aankh

hum use apne liye mahdud samjhe the magar

ab khula is chand par 'arse se thi ghar ghar ki aankh

sadgi mein hum 'humaira' jaane kya kya kah gae

kis qadar aahistagi se hans paDi patthar ki aankh