meri wahshat mujhse puchhegi to batlaunga main

merī vahshat mujh se pūchhegī to batlā.ūñgā maiñ

svāñg jo tum ne sikhā.e vo bhī dikhlā.ūñgā maiñ

kis ne dīvāna banāyā naam batlā.ūñgā maiñ

dasht-o-dariyā se bhī aage baat phailāuñgā maiñ

ḳhvāb tum dikhlāoge to ḳhvāb dikhlā.ūñgā maiñ

donoñ jānib ḳhvāb ke parcham bhī lahrā.ūñgā maiñ

nā-rasā.ī kā koī shikva nahīñ shikva ye hai

kyā ḳhayāl-e-ḳhām hī se dil ko bahlā.ūñgā maiñ

ai shab-e-furqat tumheñ mujh se shikāyat to nahīñ

gar chale jāoge tum bhī kitnā ghabrā.ūñgā maiñ

ik sumūm-e-gard-āsā chal rahī hai chār-sū

chār-sū bārish liye tum dekhnā ā.ūñgā maiñ

ik añdherā chaar jānib bārishoñ ke darmiyāñ

bārishoñ ke darmiyāñ sho.ala-sā lahrā.ūñgā maiñ

paañv haiñ āmāda-e-sair-o-safar manzil-ba-dast

kyā tumheñ lagtā hai ab bhī lauT kar ā.ūñgā maiñ

rāste masdūd jab ho jā.eñge ḳhatm-e-safar

āḳhirī patthar pe apnā naam likhvāūñgā maiñ

raftagāñ ā.indagāñ ke darmiyāñ kyā rabt hai

'mīr' sāhib se ye pūchhūñgā to batlā.ūñgā maiñ

meri wahshat mujh se puchhegi to batlaunga main

swang jo tum ne sikhae wo bhi dikhlaunga main

kis ne diwana banaya nam batlaunga main

dasht-o-dariya se bhi aage baat phailaunga main

KHwab tum dikhlaoge to KHwab dikhlaunga main

donon jaanib KHwab ke parcham bhi lahraunga main

na-rasai ka koi shikwa nahin shikwa ye hai

kya KHayal-e-KHam hi se dil ko bahlaunga main

ai shab-e-furqat tumhein mujh se shikayat to nahin

gar chale jaoge tum bhi kitna ghabraunga main

ek sumum-e-gard-asa chal rahi hai chaar-su

chaar-su barish liye tum dekhna aaunga main

ek andhera chaar jaanib barishon ke darmiyan

barishon ke darmiyan shoala-sa lahraunga main

panw hain aamada-e-sair-o-safar manzil-ba-dast

kya tumhein lagta hai ab bhi lauT kar aaunga main

raste masdud jab ho jaenge KHatm-e-safar

aaKHiri patthar pe apna nam likhwaunga main

raftagan aaindagan ke darmiyan kya rabt hai

'mir' sahib se ye puchhunga to batlaunga main