miad-e-qaid-e-ranj baDha di gai to kya

mī.ād-e-qaid-e-rañj baḌhā dī ga.ī to kyā

jurm-e-vafā kī ham ko sazā dī ga.ī to kyā

ik bahr-e-be-karāñ to hai āñkhoñ meñ maujzan

ik mauj tere ġham meñ bahā dī ga.ī to kyā

is pesha-e-junūñ meñ luTāne ko thā hī kyā

ik umr thī so tujh pe luTā dī ga.ī to kyā

is ahd-e-bevafā meñ jo mīsāq-e-ishq se

ik shart-e-e'tibār uThā dī ga.ī to kyā

shab-hā-e-intizār kī derīna sarguzisht

ik pal meñ tujh se mil ke bhulā dī ga.ī to kyā

miad-e-qaid-e-ranj baDha di gai to kya

jurm-e-wafa ki hum ko saza di gai to kya

ek bahr-e-be-karan to hai aankhon mein maujzan

ek mauj tere gham mein baha di gai to kya

is pesha-e-junun mein luTane ko tha hi kya

ek umr thi so tujh pe luTa di gai to kya

is ahd-e-bewafa mein jo misaq-e-ishq se

ek shart-e-e'tibar uTha di gai to kya

shab-ha-e-intizar ki derina sarguzisht

ek pal mein tujh se mil ke bhula di gai to kya