minaron se upar nikla diwaron se par hua

mīnāroñ se uupar niklā dīvāroñ se paar huā

hadd-e-falak chhūne kī dhun meñ ik zarra kohsār huā

chashm-e-basīrat raah kī mish.al azm-e-javāñ patvār huā

sāhil sāhil jashn-e-tarab hai ek musāfir paar huā

dil ke jazbe sāmne aa.e ḳhushbū ḳhvāb dhuāñ ban kar

jitnī dilkash soch thī us kī vaisā hī iz.hār huā

ubhre ehsāsāt ke sūraj yādoñ ke mahtāb khule

ġhazloñ kā dīvān suhāne mausam kā aḳhbār huā

jañgal parbat nadiyāñ jharne yaad raheñge barsoñ tak

is bastī meñ husn hai jitnā pāband-e-ash.ār huā

minaron se upar nikla diwaron se par hua

hadd-e-falak chhune ki dhun mein ek zarra kohsar hua

chashm-e-basirat rah ki mishal azm-e-jawan patwar hua

sahil sahil jashn-e-tarab hai ek musafir par hua

dil ke jazbe samne aae KHushbu KHwab dhuan ban kar

jitni dilkash soch thi us ki waisa hi izhaar hua

ubhre ehsasat ke suraj yaadon ke mahtab khule

ghazlon ka diwan suhane mausam ka aKHbar hua

jangal parbat nadiyan jharne yaad rahenge barson tak

is basti mein husn hai jitna paband-e-ashaar hua