mil chuke hain gulab se pahle

mil chuke haiñ gulāb se pahle

aap ke intiḳhāb se pahle

ham tirā e'tibār kar leñge

mutma.in huuñ javāb se pahle

muntazir niiñd kah rahī hai ye

duur huuñ iztirāb se pahle

pyaar kā bhī sabaq zarūrī hai

ilm kī har kitāb se pahle

thaam leñ haath daf.atan un kā

pūchhnā kyā janāb se pahle

aap meñ bhī nasha kahāñ kam hai

kaash aate sharāb se pahle

tab kahīñ vo jhalak dikhā.egā

paak ho leñ savāb se pahle

jāvedāñ kaun hai zamāne meñ

pūchh leñ ye habāb se pahle

ai ḳhudā baḳhsh de hameñ jannat

dasht sahrā sarāb se pahle

mil chuke hain gulab se pahle

aap ke intiKHab se pahle

hum tera e'tibar kar lenge

mutmain hun jawab se pahle

muntazir nind kah rahi hai ye

dur hun iztirab se pahle

pyar ka bhi sabaq zaruri hai

ilm ki har kitab se pahle

tham len hath dafatan un ka

puchhna kya janab se pahle

aap mein bhi nasha kahan kam hai

kash aate sharab se pahle

tab kahin wo jhalak dikhaega

pak ho len sawab se pahle

jawedan kaun hai zamane mein

puchh len ye habab se pahle

ai KHuda baKHsh de hamein jannat

dasht sahra sarab se pahle