mil gai hai baadiya-paimai se manzil meri

mil ga.ī hai bādiya-paimā.ī se manzil mirī

kaam aa.ī hai bil-āḳhir sa.i-e-lā-hāsil mirī

paañv dharne ko mayassar aa nahīñ paatī zamīñ

naav ruk jaatī hai aa kar jab lab-e-sāhil mirī

ik kamī merī tag-o-dau meñ kahīñ maujūd hai

ho nahīñ paa.ī abhī tak koī shai kāmil mirī

mil nahīñ paatī ḳhud apne-āp se fursat mujhe

mujh se bhī mahrūm rahtī hai kabhī mahfil mirī

maiñ yahīñ rah jā.ūñgā ho kar asīr-e-dām-e-asr

raah taktā hī rahegā merā mustaqbil mirī

kyā bachā.ūñ daan meñ kyā duuñ samajh aatā nahīñ

daulat-e-dil māñgtā hai mujh se ik saa.il mirī

koī apne se gilā hotā na 'sājid' dahr se

ġhaur se ik baat sun letā agar ye dil mirī

mil gai hai baadiya-paimai se manzil meri

kaam aai hai bil-aKHir sai-e-la-hasil meri

panw dharne ko mayassar aa nahin pati zamin

naw ruk jati hai aa kar jab lab-e-sahil meri

ek kami meri tag-o-dau mein kahin maujud hai

ho nahin pai abhi tak koi shai kaamil meri

mil nahin pati KHud apne-ap se fursat mujhe

mujh se bhi mahrum rahti hai kabhi mahfil meri

main yahin rah jaunga ho kar asir-e-dam-e-asr

rah takta hi rahega mera mustaqbil meri

kya bachaun dan mein kya dun samajh aata nahin

daulat-e-dil mangta hai mujh se ek sail meri

koi apne se gila hota na 'sajid' dahr se

ghaur se ek baat sun leta agar ye dil meri