mil gaya shara se sharab ka rang
mil gayā shar.a se sharāb kā rañg
ḳhuub badlā ġharaz janāb kā rañg
chal diye shaiḳh sub.h se pahle
uḌ chalā thā zarā ḳhizāb kā rañg
paa.ī hai tum ne chāñd sī sūrat
āsmānī rahe naqāb kā rañg
sub.h ko aap haiñ gulāb kā phuul
dopahar ko hai āftāb kā rañg
laakh jāneñ nisār haiñ is par
dīdanī hai tire shabāb kā rañg
TikTikī bañdh ga.ī hai būḌhoñ kī
dīdanī hai tire shabāb kā rañg
josh aatā hai hosh jaatā hai
dīdanī hai tire shabāb kā rañg
riñd-e-ālī-maqām hai 'akbar'
bū hai taqvā kī aur sharāb kā rañg
mil gaya shara se sharab ka rang
KHub badla gharaz janab ka rang
chal diye shaiKH subh se pahle
uD chala tha zara KHizab ka rang
pai hai tum ne chand si surat
aasmani rahe naqab ka rang
subh ko aap hain gulab ka phul
dopahar ko hai aaftab ka rang
lakh jaanen nisar hain is par
didani hai tere shabab ka rang
TikTiki bandh gai hai buDhon ki
didani hai tere shabab ka rang
josh aata hai hosh jata hai
didani hai tere shabab ka rang
rind-e-ali-maqam hai 'akbar'
bu hai taqwa ki aur sharab ka rang
- Book : kulliyat-e-akbar allahabadi (Pg. 38)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
