mil jae kisi sham kisi raat kisi din

mil jaa.e kisī shaam kisī raat kisī din

vo mere tasavvur kī mulāqāt kisī din

ahbāb ne ik shaḳhs tarāshā hai ajab sā

is ko bhī yahāñ lā.eñge ham saath kisī din

ḳhvāboñ ke bahut phuul mahakte haiñ laboñ par

ta.abīr kī ho jaa.e koī baat kisī din

vo aañkh jo sahrā kī tarah hai yak-o-tanhā

is raah meñ rakh do koī barsāt kisī din

be-ḳhauf havāoñ kā abhī zor hai qaa.em

mausam kī tarah badleñge hālāt kisī din

mil jae kisi sham kisi raat kisi din

wo mere tasawwur ki mulaqat kisi din

ahbab ne ek shaKHs tarasha hai ajab sa

is ko bhi yahan laenge hum sath kisi din

KHwabon ke bahut phul mahakte hain labon par

tabir ki ho jae koi baat kisi din

wo aankh jo sahra ki tarah hai yak-o-tanha

is rah mein rakh do koi barsat kisi din

be-KHauf hawaon ka abhi zor hai qaem

mausam ki tarah badlenge haalat kisi din