مل کے بیٹھیں تو ہم کہیں پہلے
بانٹ لیتے ہیں کیوں زمیں پہلے
ہوگا تیرا بھی اعتبار مجھے
کر لوں اپنا میں گر یقیں پہلے
کیوں کسی در پہ آسماں جھکتا
گر نہ جھکتی مری جبیں پہلے
دل میں شاید ابھی بھی ہے موجود
آؤ ڈھونڈیں اسے یہیں پہلے
کب یہ سنتے ہیں داستاں پوری
بول اٹھتے ہیں نکتہ چیں پہلے
سوچتا ہوں میں سن کے بات تری
کیوں یہ میں نے کہی نہیں پہلے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
