mil us pari se kya kya hua dil
mil us parī se kyā kyā huā dil
shaidā huā dil rusvā huā dil
barq-e-tajallī dekh us nigah kī
juuñ tuur jal kar surmā huā dil
us sañg-dil kī mai-ḳhvārgī se
ḳhūn-e-jigar meñ miinā huā dil
haiñ munqasim ye ḳhūñ-bār āñkheñ
jin kī badaulat dariyā huā dil
josh-e-junūñ se ishq-e-butāñ meñ
siinā huā koh-e-sahrā huā dil
sozāñ hai az bas dāġh-e-mohabbat
ik ik kā sā sho.ala huā dil
yūñhī 'muhib' thī ḳhvāhish ḳhudā kī
ab to butāñ kā banda huā dil
mil us pari se kya kya hua dil
shaida hua dil ruswa hua dil
barq-e-tajalli dekh us nigah ki
jun tur jal kar surma hua dil
us sang-dil ki mai-KHwargi se
KHun-e-jigar mein mina hua dil
hain munqasim ye KHun-bar aankhen
jin ki badaulat dariya hua dil
josh-e-junun se ishq-e-butan mein
sina hua koh-e-sahra hua dil
sozan hai az bas dagh-e-mohabbat
ek ek ka sa shoala hua dil
yunhi 'muhib' thi KHwahish KHuda ki
ab to butan ka banda hua dil
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
