mila junun ko jo paigham-e-Khaar-paimai

milā junūñ ko jo paiġhām-e-ḳhār-paimā.ī

dahān-e-dasht se āvāz-e-al-amāñ aa.ī

adam se joshish-e-vahshat meñ tā-vajūd aa.ī

kahāñ se khīñch ke mujh ko qazā kahāñ laa.ī

naqab lagā ke mirī aah un kī palkoñ meñ

nigāh-e-nāz se kuchh bijliyāñ churā laa.ī

yahāñ to gosha-e-dil hī meñ jaane kyā dekhā

kalīm tuur pe karte haiñ ḳhār-paimā.ī

'jamāl'-e-zār kī jānib nigāh kyoñ uTThe

nazar ko un kī hai andesha-e-masīhā.ī

mila junun ko jo paigham-e-KHar-paimai

dahan-e-dasht se aawaz-e-al-aman aai

adam se joshish-e-wahshat mein ta-wajud aai

kahan se khinch ke mujh ko qaza kahan lai

naqab laga ke meri aah un ki palkon mein

nigah-e-naz se kuchh bijliyan chura lai

yahan to gosha-e-dil hi mein jaane kya dekha

kalim tur pe karte hain KHar-paimai

'jamal'-e-zar ki jaanib nigah kyon uTThe

nazar ko un ki hai andesha-e-masihai