mile bhi dost to is tarz-e-be-dili se mile

mile bhī dost to is tarz-e-be-dilī se mile

ki jaise ajnabī koī ik ajnabī se mile

qadam qadam pe ḳhulūs-e-vafā kā zikr kiyā

adū mile bhī to kis husn-e-sādgī se mile

sitam karo bhī to andāz-e-munsifī se karo

koī salīqa to unvān-e-dostī se mile

tirī talāsh meñ nikle the tere dīvāne

har ek moḌ pe ḳhud apnī zindagī se mile

vo log apnī hī zanjīr-e-pā ke qaidī haiñ

jinheñ nishān-e-safar bhī tirī galī se mile

chalo ki tark-e-ta.alluq kī baat ḳhatm huī

na tum ḳhushī se mile ho na ham ḳhushī se mile

mile bhi dost to is tarz-e-be-dili se mile

ki jaise ajnabi koi ek ajnabi se mile

qadam qadam pe KHulus-e-wafa ka zikr kiya

adu mile bhi to kis husn-e-sadgi se mile

sitam karo bhi to andaz-e-munsifi se karo

koi saliqa to unwan-e-dosti se mile

teri talash mein nikle the tere diwane

har ek moD pe KHud apni zindagi se mile

wo log apni hi zanjir-e-pa ke qaidi hain

jinhen nishan-e-safar bhi teri gali se mile

chalo ki tark-e-talluq ki baat KHatm hui

na tum KHushi se mile ho na hum KHushi se mile