mile kyunkar sukun jab tak ye tanhai nahin jati

mile kyūñkar sukūñ jab tak ye tanhā.ī nahīñ jaatī

vo uljhan hai tabī.at meñ ki suljhā.ī nahīñ jaatī

ye kaisā ḳhauf kyoñ bedād farmā.ī nahīñ jaatī

ajī bhūlo qayāmat ko abhī aa.ī nahīñ jaatī

ta.ajjub hai namak-dāñ par namak-dāñ ho chuke ḳhālī

balā ke zaḳhm-e-dil Thahre ki gahrā.ī nahīñ jaatī

samajh le yā to kuchh merī samajh kā pher hai nāseh

tujhī se yā mire matlab kī samjhā.ī nahīñ jaatī

jo kuchh biitī shab-e-ġham mujh pe so biitī chalo chhoḌo

ga.ī guzrī kahānī mujh se dohrā.ī nahīñ jaatī

rukeñ ashk-e-musalsal chashm-e-pur-nam se are tauba

ye badlī ḳhud baras paḌtī hai barsā.ī nahīñ jaatī

mile kyunkar sukun jab tak ye tanhai nahin jati

wo uljhan hai tabiat mein ki suljhai nahin jati

ye kaisa KHauf kyon bedad farmai nahin jati

aji bhulo qayamat ko abhi aai nahin jati

tajjub hai namak-dan par namak-dan ho chuke KHali

bala ke zaKHm-e-dil Thahre ki gahrai nahin jati

samajh le ya to kuchh meri samajh ka pher hai naseh

tujhi se ya mere matlab ki samjhai nahin jati

jo kuchh biti shab-e-gham mujh pe so biti chalo chhoDo

gai guzri kahani mujh se dohrai nahin jati

ruken ashk-e-musalsal chashm-e-pur-nam se are tauba

ye badli KHud baras paDti hai barsai nahin jati