mile suragh to manzil ka yun suragh mile

mile surāġh to manzil kā yuuñ surāġh mile

kaf-e-hasīñ pe jalā.e koī charāġh mile

fuzūl dūrī-e-manzil kā zikr hai yaaro

taḌap nahīñ hai to manzil kā kyā surāġh mile

kalī kalī thī fasurda udaas udaas the phuul

gumān jin pe ho jangal kā aise baaġh mile

nibāh kaise dil-e-sāda un se kar paatā

qadam the ḳhaak pe aur arsh par dimāġh mile

ajiib baat hai dil ko na kar sakeñ raushan

mah-o-nujūm sā raushan jinheñ dimāġh mile

lahū nichoḌ deñ rag rag se aur bhar Dāleñ

mai-e-nashāt se ḳhālī agar ayāġh mile

mire liye kisī daulat se kam nahīñ 'rāzī'

ḳhushā-nasīb ki ahbāb hī se daaġh mile

mile suragh to manzil ka yun suragh mile

kaf-e-hasin pe jalae koi charagh mile

fuzul duri-e-manzil ka zikr hai yaro

taDap nahin hai to manzil ka kya suragh mile

kali kali thi fasurda udas udas the phul

guman jin pe ho jangal ka aise bagh mile

nibah kaise dil-e-sada un se kar pata

qadam the KHak pe aur arsh par dimagh mile

ajib baat hai dil ko na kar saken raushan

mah-o-nujum sa raushan jinhen dimagh mile

lahu nichoD den rag rag se aur bhar Dalen

mai-e-nashat se KHali agar ayagh mile

mere liye kisi daulat se kam nahin 'raazi'

KHusha-nasib ki ahbab hi se dagh mile